Жаңалықтар

Видео:"Қазақстан жауапкершілік алуға тиіс". Қаңтар оқиғасына әлем реакциясы

Ресми дерек бойынша, Қазақстандағы қаңтар оқиғалары кезінде 225 адам қаза тауып, мыңдаған адам жарақат алды. Із-түзсіз жоғалғандар, жарақатымен қамалғандар өте көп. Халықаралық ұйымдар елде адам құқықтарының ахуалы нашарлады деп дабыл қағып, Қазақстан басшылығынан барлық мән-жайды бейтарап зерттеуді талап етеді.

Фундаменталдық құқықтарды сақтау жөніндегі Құқық қорғау альянсын құруға байланысты үндеу

Құқық қорғау альянсының басты мақсаты – наразылықтардың хронологиясын, барысын объективті және әділ белгілеуге, құқық қорғау органдары мен демонстранттардың әртүрлі топтарының іс-әрекеттерін талдауға, наразылықтардың бейбіт кезеңнен зорлық-зомбылыққа өту себептерін, әділ сот процесінің стандарттарын қатаң сақтау үшін тергеу барысында азаматтардың іргелі құқықтарын сақтауға, азаптаулар мен қатыгез іс-әрекеттерге жол бермеуге, кінәлілерді әділ жазалауға, ал жазықсыздарды қылмыстық жауапқа тартпауға, саяси оппозиция мен азаматтық қоғам өкілдерін зорлық-зомбылық жасағандардан бөліп қарауға атсалысу.  

Құқық қорғаушылар Жаңаөзен оқиғасы туралы: Халыққа оқ атуға кімнің бұйрық бергені әлі анықталмады

Қазақстандағы бірнеше адам құқығын қорғау ұйымы Жаңаөзен оқиғасына байланысты халықаралық деңгейде тәуелсіз зерттеу жүргізу туралы бастаманы қолдап, азаптау туралы шағымдарды тексеруді талап етті. 15 желтоқсан күнгі мәлімдемесінде ұйым өкілдері 2011-2012 жылдары Жаңаөзен оқиғасына байланысты тергеу амалдары жүргізіліп, сот өткен кезде айыпталушылардың азаптау туралы шағымдары қараусыз қалғанын еске салған. Олар "қызметтік өкілетін асыра пайдаланғаны үшін" бес полицей сотталғанмен "полицияға халыққа оқ атуға кімнің бұйрық бергені анықталмады" деп жазды.

Қазақстандағы адам құқықтарын қорғау ұйымдарының мәлімдемесі

2021 жылдың 16 желтоқсанында Жаңаөзен қаласы мен Шетпе ауылында мұнайшылардың бірнеше айға созылған ереуілінен кейін полиция қызметкерлерінің оқ қаруын қолдану салдарынан болған қайғылы оқиғаға 10 жыл толады. Жаңаөзен қаласы мен оған жақын орналасқан Шетпе ауылында ресми мәліметтер бойынша 17 адам қаза тауып, 86 адам жарақат алған.

Әзербайжан компаниясынан ақшасын ала алмаған кәсіпкерлер Ақтөбе әкімдігіне барды

Әзірбайжанның "СПИК Аккорд" компаниясынан 168 млн теңге қарызын ала алмай жүрген бір топ кәсіпкер 29 қарашада Ақтөбе облысының әкімдігіне барды. Наразылар биліктен Қазақстан азаматтарының мүддесін қорғауды талап етіп, облыс басшысы Оңдасын Оразалинмен кездестіруді сұрады.
Кәсіпкерлердің сөзінше, 2019 жылы Ақтөбе - Астрахань тас жолының 236-шақырымынан бастап реконструкция жасаған "СПИК Аккорд" компаниясына Байғанин ауданының тұрғындары түрлі техникаларын жалға берген.

Абай кенішіндегі қайғылы оқиғадан кейін кеншілердің жалақысы көтеріледі

"АрселорМиттал Теміртау" компаниясына келесі міндеттемелер жүктелген: жыл сайын 1 қаңтардан бастап инфляция деңгейінің 100% көлемінде жалақыны индекстеуді жүзеге асырсын;
өндірістік-экономикалық көрсеткіштер жоспарының орындалуына қарамастан ағымдағы жылдың желтоқсан айында 13-ші еңбекақы төлеуге; желтоқсанда жалақыны 15–17 пайызға көтеру; кадр тапшылығын жою, ол үшін желтоқсан айының соңына дейін нормативті сандық және штаттық кестені әзірлеп, ай сайын олар толық қамтылғанға дейін кемінде 100 адамды жұмыспен қамту; жұмыс автобустарын жаңарту; 2018 жылдың 1 қаңтарынан кейін жұмысқа орналасқан қызметкерлердің демалыс күндерінің санын көбейтуге; ұзақ уақыт ауырған адамдардың еңбекке жарамсыздық парағындағы төлемдерді 50 АЕК-ке дейін арттыру; шахталарда техникалық аудит жүргізу және ескірген жабдықты пайдаланудан шығару; тау-кен-геологиялық жағдайларға байланысты жоспарлау тапсырмаларын түзету.

Ақтөбеде фермерлер митингіге шығып, субсидия, су, жайылым мәселесін көтерді

Бүгін, 15 қарашада Ақтөбе фермерлері митингіге шықты. Жергілікті әкімдік рұқсат берген бұл наразылықта ауыл шаруашылығы саласындағы проблемалар айтылды. Ақтөбе фермерлерінің қауымдастығы ұйымдастырған акцияға жүз шақты адам қатысты. Наразылардың арасында Қарағанды мен Батыс Қазақстан облысының фермерлері де болды.

Казахстан: "Аралтұз" компаниясының кейбір жұмысшылары ереуілден кейін жұмыссыз қалғанын айтты

Қыркүйек айында ереуіл арқылы жалақы өсіруге қол жеткізген "Аралтұз" компаниясының жұмысшылары наразылықтан соң компания басшылығының шара кезінде "көзге түскен" жұмысшылардан біртіндеп арыла бастағанын айтып отыр. Компанияда 2003-2014 және 2019-2021 жылдары аралығында слесарь болып жұмыс істеген Ақылжан Қиылбаевтың Азаттыққа айтуынша, компания онымен қараша ортасында келісім-шартты үзетінін хабарлаған. Себебін түсіндірмеген.

Министр "АрселорМиттал Теміртаудың" қауіпсіздік ережелерін үнемі бұзатынын айтты

Төтенше жағдай министрлігіне қарасты мекеме қызметкерлері "АрселорМиттал Теміртау" компаниясының өндірістік нысандарында қауіпсіздік ережелері сақталмайтынын бірнеше рет анықтап, шара қолданған. Алайда соттар нысанның жұмысын тоқтату туралы өтініштерді орындамай, тек айыппұлмен шектеледі. 12 қараша Сенатта өндіріс орындарындағы қауіпсіздікті қамтамасыз ету мәселесіне арналған жиын кезінде Төтенше жағдай министрі Юрий Ильин осылай деп мәлімдеді.

"Абай" шахтасында жараланғандар реанимациядан шықты, "Арселор Миттал Теміртау" уәдені үйіп-төкті

Қарағанды облысындағы "Абай" шахтасында 7 қараша, таңертең болған апаттан жараланған екі адам аурухана реанимациясынан палатаға ауыстырылды.

— Екі пациентті жағдайы орташа, ем барысында жақсарып келе жатыр. Әрі қарай емделу үшін токсикология бөліміне ауыстырылды, — деп хабарлады 8 қарашада Мақажанов атындағы клиника.

Дүйсенбіде "АрселорМиттал Теміртау" компаниясының басшылығы баспасөз жиынын өткізді. Компанияның бас директоры Азаттық тілшісінің "газ дүмпуі неден пайда болды" деген сауалына тұщымды жауап қата алмады. Компания бұған дейін "Абай" шахтасы қазіргі заманғы құрал-жабдықпен қамтамасыз етілгенін хабарлаған болатын.