Янгиликлар

Ғарбий Қозоғистонда тадбиркорлар Озарбайжон компаниясидан қарз ундиришга ҳаракат қилмоқда

29 ноябрь куни Озарбайжоннинг СПИК Аккорд компаниясидан 168 миллион тенге (ҳозирги курс бўйича тахминан 385 минг доллар)ни ундиришга ҳаракат қилаётган қозоғистонлик тадбиркорлар гуруҳи Оқтўбе вилояти ҳокимлигига келди. Тадбиркорлар мутасаддиларни ўз манфаатларини ҳимоя қилишга, вилоят ҳокими Ундасин Ўразалин билан учрашув ташкил этишга чақирди. Тадбиркорларнинг сўзларига кўра, 2019 йилда Байганин тумани аҳолиси ўша пайтда Оқтўбе-Астрахан автомобиль йўлининг бир қисмини таъмирлаётган «СПИК Аккорд» компаниясига турли техникаларни ижарага берган.

Ғаниев осмондан кўриши учун юзлаб ўқитувчи ўз ёнидан кўчат ўтқазишга сафарбар этилди

Қашқадарё вилоятидаги мактаблар ва боғчаларнинг ўқитувчи ҳамда тарбиячилари 25 ноябрь куни оммавий кўчат экишга сафарбар этилди.
Халқ таълими бўлими мулозимлари шу куни кўчат ўтқазиш кампаниясини шахсан Бош вазир ўринбосари Шуҳрат Ғаниев вертолётдан назорат қилиши ҳақида огоҳлантирган.
Ўқитувчи ва мактаб директорларининг айтишларича, Бош вазир ўринбосарининг вертолёти кўринмаган бўлса ҳам, улар ўз ёнларидан пул тўлаб, кўчат сотиб олишган ва мактаб томорқасига ўтқазишган.

Мардикор бозори Ортиқхўжаевдан кўпроқ иш ҳақи таклиф қиляпти

Тошкент шаҳар ҳокими Жаҳонгир Ортиқхўжаевнинг “1,5 миллион сўмлик ойликка ҳеч ким ишлагиси келмаётгани” тўғрисидаги сўзлари ўзбекистонликларга тўланаётган иш ҳақи ва унинг қурби масаласини яна кун тартибига чиқарди. Жойлардан олинган маълумотларга қараганда, шу кунда кунлик ишга чиқувчи муайян ҳунари йўқ эркакларнинг бир кунлик иш ҳақи 80 минг сўмдан, усталарники эса, 120 минг сўмдан бошланяпти.

Фермерлардан ерни топшириш ҳақида мажбуран ариза ёздириб олинмоқда

Тошкент вилоят, Бўка туманидаги фермерлардан ерни “ўз ихтиёри билан давлат захирасига ўтказиш” ҳақида мажбурий ариза ёздириб олинмоқда. Озодликка гапирган фермерларнинг айтишларича, гарчи улар пахта топшириш бўйича тўғридан-тўғри кластер билан шартнома қилган бўлса-да, вилоят ва туман ҳокимликлари ички ишлар ходимлари ёрдамида фермерларни бир жойга қамаб, ариза ёздириб олмоқда.

МЕҲНАТ ҚОНУНЧИЛИГИ БАНДЛИК МАРКАЗИДА БУЗИЛСА...

Ўзбекистон Республикаси Меҳнат кодексининг 124-моддасида  ходим учун белгиланган кундалик иш (смена) муддатидан ташқари ишлаш вақтидан ташқари иш деб ҳисобланади.
Иш вақтидан ташқари ишлар ходимнинг розилиги билан қўлланилиши мумкин.

Меҳнат шартномаси ва фуқаролик-ҳуқуқий шартнома: Фарқи нимада?

Фуқаролик-ҳуқуқий шартнома ёки меҳнат шартномаси тузиш тўғрисида қарор қабул қилиш учун иш қандай тусда эканини – вақтинчаликми ёки доимий, мавсумийми (ҳосил йиғиштириб олиш, музқаймоқ сотиш ва ҳоказолар каби.) ёхуд барибир доимий тусдаги ва йил фасли ёки бошқа омилларга боғлиқ бўлмаган ишлигини аниқлаб олиш зарур.

VIDEO – ЎЗБЕКИСТОНДА ЖАЗОЛАШ ПСИХИАТРИЯСИ

Ўзбекистон инсон ҳуқуқлари форумининг “Ўзбекистонда жазолаш психиатрияси: фаолларнинг овозини ўчириш” деб номланган янги ҳисоботида Ўзбекистон режими танқидчилари ва фаолларнинг овозини бўғиш учун мажбурий психиатрия хулосаларидан фойдаланишнинг хавотирли ҳолати тилга олинади. Ҳисоботда фаоллардан ўз позицияси учун очиқчасига ўч олиш мақсадида уларни мажбурий равишда психиатрия муассасаларига жойлаштириш билан боғлиқ еттита ҳолат келтириб ўтилади. Фаолларнинг аксарияти норозилик билдиргани ёки Ўзбекистон ҳукуматидан ислоҳотлар ўтказишни талаб қилгани ортидан руҳий касалга чиқарилган.

Жиззахда 6 ёшли бола йўл текислайдиган махсус техника остида қолиб ҳалок бўлди

Қайд этилишича, мазкур ҳодисанинг рўй беришига ҳайдовчининг эътиборсизлиги, иш жараёнида техника хавфсизлиги қоидаларига риоя қилмагани сабаб бўлган. Шунингдек, махсус техника атрофида ҳайдовчини огоҳлантириб туриши керак бўлган ёрдамчи ишчилар ҳам бўлмаган.

Фермерларни қандай муаммолар қийнамоқда — Адлия вазирлиги мониторинги

Фермер ва сотиб олувчи ташкилотлар, кластерлар ва етказиб берувчилар ўртасидаги шартномаларда йўл қўйилаётган хатолар, фермер хўжаликларининг 180 млрд сўмдан кўпроқ қарзга ботгани ва бошқалар — Адлия вазирлиги «Фермерга мадад» акцияси доирасида фермерлар манфаатларига энг кўп зарар етказаётган ҳолатларни ўрганмоқда. Вазирлик ушбу соҳадаги муаммоларни бартараф этиш учун бир қанча чораларни таклиф қилмоқда.

Педагогик фаолият ҳуқуқи: нима учун кўзи ожиз педагоглар ҳали ҳамон камситилмоқда?

Ўзбекистонда инклюзив таълимни ривожлантириш учун кўзи ожиз ўқитувчиларни таълим тизимига жалб этиш муҳим аҳамиятга эга. Аммо педагогик фаолиятни амалга оширишлари учун уларга тенг шароит ва имкониятлар яратилганми? Aбдулло Aбдухалилов ва Дилмурод Юсупов ўз тажрибалари ва педагогик фаолиятдаги инклюзиянинг муваффақиятли мисоллари асосида ушбу муаммони ўрганишди.