Жаңалықтар

Ақтөбеде наразылықтан кейін автобустар қозғалысы әлі толық қалпына келмеді

Ақтөбе қаласында жолаушылар тасымалына жауапты екі компанияның бірі "Жолаушылар автокөлік кәсіпорнында" дүйсенбі күні басталған наразылық әлі де ішінара жалғасып жатыр. Сондықтан компания кей бағыттардағы 6 автобустың орнына 3-4 көліктен шығаруға мәжбүр болған.
- Жұмысшыларымыздың 10-20 пайызы бүгін де желіге шықпады. Осыған орай қала тұрғындары аялдамаларда сәл кідіріңкіреп қалуы мүмкін. Ең бастысы, қозғалыс мүлдем тоқтап қалған жоқ. Соның өзі жетістік, - деді Азаттыққа телефонмен берген сұқбатында компания өкілі Асанәлі Қайдаров.

Ақтөбеде тағы бір автобус компаниясының жүргізушілері жаңа төлем жүйесіне қарсы наразылыққа шықты

1 маусым күні Ақтөбеде жолаушы тасымалдайтын тағы бір компания "Автопарк" жүргізушілері мен кондукторлары жұмысқа шығудан бас тартып, қала тұрғындары түстен кейін автобуссыз қалды. Түс әлпетінде компания кеңсесіне жиналған наразылар басшылардан жүргізушілер мен кондукторларды штатқа алып, тұрақты жалақы төлеуді талап етті. Осы жердегі жүргізушілер мен кондукторлардың бәрі ресми түрде жұмыссыз. Зейнетақы қорына да, медициналық сақтандыру қорына да ақша аударылмайды. Бірақ тәулігіне 16-18 сағаттан жұмыс істейміз.

Ақтөбеде автобус жүргізушілері мен кондукторлар жұмыс жағдайына шағымданып, наразылыққа шықты

31 мамыр күні түстен кейін Ақтөбедегі "Жолаушылар автокөлік кәсіпорнының" жүргізушілері мен кондукторлары жұмыстан паркке оралып, наразылыққа шықты. Жұмысқа шығудан бас тартқан жүз шақты адам жолақысы 150 теңге болғалы Ақтөбеде жолаушы тасымалы қиындап кеткенін айтады.
- Бүгіннен бастап Ақтөбеде жол ақысы қолма-қол ақшамен төлеген жағдайда - 150 теңге, көлік карталарын қолданушылар үшін - 80 теңге. Картасы жоқ жолаушылар 150 теңге төлегісі келмейді. Қолма-қол ақшаның болмауы автобус жүргізушілері үшін де қиын. Өйткені кондуктордың айлығын жүргізуші өз қалтасынан төлейді. "Кәсіпорын" кондукторларды штатқа алмай отыр. Одан бөлек қосалқы бөлшекке де ақша бермейді. Көшеде жолаушы тасып жүрген автобустан бұзылып паркте тұрғаны көп. Бұдан әрі бұлай жұмыс істей алмаймыз, - дейді жүргізушілердің бірі Руслан Досмәмбетов.

Назарбаев ашқан фабриканы тұрғындар жабуды талап етеді

Ауыл ішіндегі алтын өңдеу фабрикасына қарсы наразылықтан соң "Қазақалтын" компаниясының кешені жұмысын уақытша тоқтатты. Ақмола облысы Бестөбе ауылының жүздеген тұрғыны көп жылдан бері фабрика шаңына тұншығып, зиян қалдығына шағынып келеді. Бірақ осыған дейін биліктен де, компаниядан да реакция болмаған. Жүздеген адам жиналғанда ғана "Қазақалтынның" басшысы келді.

Құлыбаевтың сатылған әуежайы, Қытайдың әскери ықпалы және "айтылмайтын қасірет"

Осы аптада шетел басылымдары Назарбаевтың күйеу баласы Тимур Құлыбаевқа тиесілі деген Алматы әуежайының түрік компаниясына сатылғанын хабарлады. Бұған қоса Қытайдың Орталық Азияға әскери ықпалының артқаны, мұның Қазақстанның копвекторлы сыртқы саясатына қауіп төндіруі мүмкін екені айтылды. Сонымен бірге шетел журналисі Жаңаөзен оқиғасы туралы романның авторымен сұхбаттасты.

Жаңаөзенде "Бұрғылау" мұнай сервис компаниясының аутсорсинг жұмысшылары ереуілге шықты

Жаңаөзенде "Бұрғылау" мұнай сервис компаниясына мердігер "Фиркрофт" ЖШС-інің жүзге тарта жұмысшысы жалақы өсіруді талап етіп, ереуілге шықты. Бұл туралы жергілікті ақпарат агенттіктері хабарлады. Жұмысшылардың сөзіне сүйенген Vlast сайтының жазуынша, 19 сәуірде еңбек инспекциясы, қала әкімінің орынбасары мен кеңесшісімен кездесуден нәтиже шықпаған.

"Амалым қалмады". Басшылықты сынаған жедел жәрдем көлігінің жүргізушісі жұмысынан айырылды

Қарағанды қаласында жедел жәрдем көлігінің жүргізушісі болып істеген Ербол Емілжанов еңбек жағдайын жақсартуды талап етіп, станцияға бөлінген қаржы жымқырылған деген күдікпен мемлекеттік органдарға хат жазғаннан кейін жұмыстан босатылған. Жүргізушіні ресми түрде қызметінен босатуға оның басқа подстанцияға жұмысқа шығудан бас тартуы негіз болған.

Ақтөбе: Бестамақта шошқа фермасының жұмысшылары аштық жариялады

Ақтөбе облысында былтыр жыл соңында дауға ілінген шошқа фермасының шамамен 70 жұмысшысы құбыр жүйесін жауып тастағанына наразылық білдіріп, аштық жариялады. Бұл туралы Orda.kz сайты хабарлады.

"Мал мен барда үшін өмір сүреміз". Жергілікті спирт зауытын жабылудан сақтап қалған ауыл тұрғындарының хикаясы

Бұл мақалада Ақмола облысындағы ауыл тұрғындарының арағымен танымал "Айдабол спирт зауытын" жабылудан қалай сақтап қалғаны баяндалады. Олардың зауытты қолдауына ішімдікке құмарлық емес, зауыттың ауыл өміріндегі маңызы себеп болған. Кәсіпорын адамдарға жұмыс, малға азық беріп, жергілікті мектепті, балабақшаны және емхананы жылумен қамтамасыз етіп отыр. Азаттық тілшісі Айдабол ауылына барып, тұрғындардың тұрмыс-тіршілігімен танысып қайтты.

"Жағдайды түзеу үшін ештеңе жасаған жоқ". Шахтер-регрессниктер Тоқаевқа қайта қайырылды

Қазақстанда өндірісте жарақат алып, мүгедектік алған 14 мыңнан астам адам бар. Қарағанды облысындағы регрессниктер бұған дейін де жағдайларының нашарлығына шағымданып, көмек сұраған. Бастамашыл топ бірнеше мәселе көтерген: ауыр әрі қауіпті жұмыс істейтін жұмысшылардың зейнетке шығу жасын қайта қарау, 2015 жылы заңнамаға түзету енгенге дейін еңбекке жарамсыз болып қалған адамдарға төленетін өтемақы көлемін қайта қарау және өзге де мәселелер.